مؤسس قروب (حتى لا يُهجر) القرآني الشاب الهادي أحمد في حديثه للقاء خاص:إستوقفتني الآية (وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَٰذَا الْقُرْآنَ مَهْجُورًا) ففكرت مع اصحابي انو كيف نقدر نخلي مجموعه من الناس تقرأ القران يوميآ في اليوم حتى ولو ايه واحده فجاءت معانا فكرة القروب

0

*مؤسس قروب (حتى لا يُهجر) القرآني الشاب الهادي أحمد في حديثه للقاء خاص:إستوقفتني الآية (وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَٰذَا الْقُرْآنَ مَهْجُورًا) ففكرت مع اصحابي انو كيف نقدر نخلي مجموعه من الناس تقرأ القران يوميآ في اليوم حتى ولو ايه واحده فجاءت معانا فكرة القروب

*أؤمن بان نشر الايات سيقرب القلوب التائهة لانو ربنا سبحان وتعالى قال في الحديث القدسي (إذا تقرب العبد إلي شبرا تقربت إليه ذراعا، وإذا تقرب إلي ذراعا تقربت منه باعا، وإذا أتاني يمشي أتيته مهرولآ).

*عدد قروبات حتى لايهجر الرئيسية الى الان 20 قروب 5 قروبات تشمل أجانب وأشقاء عرب من خارج السودان.

///

السلام عليكم ورحمة الله الأفاضل متابعي مساحة لقاء خاص ..سعيدين اليوم ان نقدم لكم بمساحتكم لقاء خاص الشاب ألهادي احمد ناصر الذي بادر مشكورآ بانشاء قروب خاص لنشر الأيات القرانية يوميآ ..لفت نظرنا بمساحة لقاء خاص عضوية القروب من الشباب إضافة الى الإلتزام بنشر الايات القرانية فشدينا الرحال الى هؤلاء الشباب لنتعرف على فكرتهم واهدافهم والمشاكل والمعوفات التي واجهتهم .

///

*بــداية اهلا وسهلآ بك أ. الهادي أحمد ناصر في لقاء خاص ؟

مرحب بيك اخونا صابر ومرحب بكل القراء والمتابعين لصحيفتكم العامرة فجاج .

*نبدأ لقاءنا معك بــ نبذة تعريفية للقارئ الكريم ؟

اخوكم الهادي احمد ناصر من مواليد العاصمه الخرطوم وبدرس في جامعة السودان العلمية في كلية المختبرات الطبية المستوى التاني ساكن في مدينة امدرمان تحديدا محلية امبده

*حــدثنا عن فكرة قروب حتى لا يهــجر وسنة التأسيس والعضوية بالبدايات؟

والله فكرة القروب جات معانا ب مجرد انو كنته بقرا في كتاب الله الكريم فاصادفتني ايه من القران الكريم بتقول ب لسان الرسول صلى الله عليه وسلم[[وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَٰذَا الْقُرْآنَ مَهْجُورًا (30)]] ففكرنا انو كيف نقدر نخلي مجموعه من الناس تقرأ القران او تتذكر القران الكريم في اليوم حتى ولو ايه واحده فجات معانا فكرة انو نضع يوميا ورد يومي في الحاله بتاعت الواتساب لانو معظمنا بدخل الواتساب في اليوم اكتر من مره كانت الايات بتم اختيارها عشوائياً وبعداك الناس بقت تقرأ وبتعمل مشاركه لي الحاله في حالتها لمن شفنا الناس كترت فكرنا نرتب الشغل ونحاول نجيب الايات ب الترتيب وبدين فكرة ختام القران الكريم مع حتى لايهجر بعداك فكرنا نلم الناس ونعمل ليهم قروب عشان كان في ناس ما بقدرو ينسخو من الحاله لانو التطبيق بتاعهم ما بدعم الحاجه دي فقمنا فعلا عملنا القروب وما شاء الله من قروب واحد قدرنا نصل الى 15 قروب رئيسي لحدي الان و 5 قروبات للاجانب غير السودانين والقروبات الفرعيه اكثر من مائة قروب فرعي صغير و سنة التأسيس كانت في 2019 ما طولنا شديد .

*هل واجهتك أيَّة صعوبات في بداية مشوار كتابة الأيات؛ سواءً كانت مشاكل معنوية وخلافها؟

والله طبعا في البدايه ما شاء الله بدينا بحماس ممكن تقول سهل لينا كل الصعوبات الممكن نلقاها فما واجهنا اي صعوبه وكان الموضوع جميل جدا والدعم من الاصحاب ودفعة الجامعه الشباب كان كبير شديد و دا سهل لينا المهمه اكتر واكتر .

*كم عدد قروبات حتى لا يهجر الى اليوم ؟

عدد قروبات حتى لايهجر الرئيسية لحدي الان 20 قروب فيها 15 قروب معظم أعضائها سودانين والباقي اجانب اما ال 5 الباقيه فمعظمها اجانب من دول عربية مسلمه وفي قروبات فرعيه بعملوها الشباب داخل القروب او زي ما بحب اسميها انا الاسرة.

*يُقال إنَّ سبب إبتعاد الشباب عن القرأن والقراءة عامة يعود للظروف الإقتصادية الجبارة ومشاغل الحياة… أولآ: رأيكِ في ذلك؟

سبب ابتعاد الشباب بعين الخصوص عن القران اخي الكريم في الفتره دي بالذات ما برجع للظروف الاقتصادية بل بالعكس السودانين بالذات اول ما الواحد كانت ظروفه تعبانه يت بتلقى رجع لي ربنا سبحانه وتعالى والشباب بالذات يعني مثلا لاحظ معاي لي طالب الثانوي الممتحن شهادة اليومين ديل حتلقاهم معظمهم في المساجد معتكفين بقروا هناك فأنا شايف انو السبب الاساسي الببعد الشباب عن القران الشهوات والتلفونات دي بالذات لانو الليله معظم شبابنا بمسك التلفون ب الساعات ولو اذن الاذان ما بسمعوا اصلا لو واجه ايه في الفيس او الواتساب او اي موقع تاني ما بقيف يسمعها اصلا لانو بكون مشغول ب رسالة يرد عليها او عايز يتكلم زول معين مع انو القران اولا وثانيا وفي كل مكان.

*ثانيآ: هل تعتــقد بأن فكرة نشر السور القرانية ستقرب القلوب التائهة لرحاب القرأن؟

انا ما بعتقد بل انا مؤمن ب الحاجه دي لانو ربنا سبحان وتعالى قال في الحديث القدسي (إذا تقرب العبد إلي شبرا تقربت إليه ذراعا، وإذا تقرب إلي ذراعا تقربت منه باعا، وإذا أتاني يمشي أتيته مهرولآ) و كل ما الانسان نشر القران دي حاجه بتقربوا من ربنا اكتر واكتر وربنا ح يهديه لرحاب القران وللجنة بأذن الله .

*عضوية قروبات حتى لا يهجر وهل تقتصر على طلاب دفعة مختبرات طبية فقط؟

العضوية في حتى لايهجر عامة لكل مسلم حتى انها ما بتقتصر علي السودانين فقط بل هي عامه لكل من ارد الدخول والمشاركه حتى لو كان غير مسلم.
*هل تركزون بقروبات حتى لا يهجر على نشر الأيات القرانية فقط أم تهتمون بقصص السلف والانبياء والأحاديث الشريفة؟

في حتى لايهجر فكرتنا اننا نخلي اكبر عدد من الناس تقرأ القران الكريم في اليوم مره فعشان كدا بتلقانا مهتمين ب الايات فقط عشان القروبات الزي دي دايما ما بتستحمل الرسائل الكتيره لانو انت الليله لو متابع معانا في القروب وانا بديت ارسل ليك اكتر من 5 رسائل في اليوم طبيعي ح تزهج لانو انت بتدخل الوتساب عشان حاجات خاصه معينه فانا ب الطريقه دي بزعجك وانت اكيد حتغادر او حتعمل الرسائل بدون اشعار فاعسان كدا بنهتم ب الايات بس
*في حالة غيابك تحت أي ظرف ..هل سيجمد نشاط القروبات؟.

في حالة غيابي انا عندنا اتنين من الاخوه ادمن معاي في كل القروبات ديل مهمتهم يملوا الفراغ البحصل دا اول ما انا اتأخرته واحد منهم بقوم ب النشاط بتاع القروب طوالي
*بعد الواتساب..هل تفكرون في قروب أخر بموقع فيس بوك ام ان قروبات الواتس تكفي؟.

والله بنفكر نعملها قناة في التيليجرام وبنفكر نضيف مجموعة فيسبوك ايضا للحابين الفكره .

*توقعاتك المستقبلية لقروبات حتى لا يهجر؟

والله بتمنى اننا ما نقيف في الوصلنا ليو دا ان شاء الله وبتوقع اننا ما حنقيف وحنصل لحدي ما كل المسلمين ان شاء الله يبدو يشاركوا معانا القران البننشر فيو دا وان شاء الله ربنا ح يوفقنا ويكون في العون ان شاء الله
*بعيدآ عن عملكم الكبير الذي تقومون به ..نقترب من حياتك الشخصية أكثر لنتعرف على سبب إختيارك لمجال المختبرات الطبية؟

والله المختبرات الطبيه كانت رغبه لي من الصغر و الحمدلله ربنا وفقني وصلته ليها وان شاء الله املنا لسه في الكتير قدام اخترته المختبرات الطبيه عشان الوالده في الحقيقه كانت بتتمنى انها تشوفني في المجال الطبي ودا كان السبب في اختيار المختبرات ولانو بحب المجالات بتاعت البحوث

*كيف تقضي وقت فراغك؟

وقت فراغي ممكن تقول معظموا في الكورة والقراية طبعا ما بتديك وقت فراغ اصلا الحمدلله .

*تعاملك مع الإنتقادات التي توجه اليك على المستوين العام والشخصي ؟

ممكن تقول انو انا انسان بارد لابعد الحدود فبتعامل مع الناس البنتقدوني ببرود شديد باخد منهم الفائده والكلام التاني ممكن تقول بتجاهلو بس الحمدلله لحدي الان مع حتى لايهجر ما واجهتني اي انتقادات.

*أحداث عالقة بذاكرتك ؟

ممكن تقول اول لي يوم في حتى لايهجر كنته براغب في ردة فعل الناس الحاتشوف الحالة في الوقت داك والبتفاعلوا معاها كم وحيتفاعلوا كيف
*رسالة عبر صحيفة فجاج لمن توجهها ؟
بحب اوجهها للناس البدأت معانا الفكره وكونت معانا الاسره جزيل الشكر واحب اقول ليهم خلوكم دايما نشيطين معانا لانو الدافع التاني لينا انتو ونشاطكم

*كلمــة أخيرة ؟

وكلمه اخيره احب اقولها ليكم شكرا ليكم انتو صحيفة فجاج ودا عمل عظيم انكم تستضيفو مجموعه من الشباب وتكونوا ليهم دافع عشان يواصلوا الابداع ويواصلوا المجهود وبشكر اسرة حتى لا يهجر لي المره التانيه والمشرفين المعاي اختي ابرار واخوي احمد حسن بحب اوجه ليكم جزيل الشكر والعرفان وشكرا جزيلا.

اترك رد

لن يتم نشر عنوان بريدك الإلكتروني.

bengali girl xxx video Porn Videos Xxx Hd Porn Hd Xxx Indian Porn Xxx Porn