السودان : فجاج الإلكترونية في دردشة مع الفنان عبد الفتاح بدوي

0

السودان : فجاج الإلكترونية في دردشة مع الفنان عبد الفتاح بدوي

 

 

* تعلقت بالفن منذ نعومة اظافري ، وأخي السبب

 

* أجد الدعم من أسرتي .. وجميل دراسة قدمني للجمهور

 

* اعزف ثلاث آلات موسيقية والجيتار هو الاصعب

 

* قابلت العديد من الطرائف .. ومقتنع بإرادة الله

 

حوار : شيماء محمد علي

 

يحب الغناء كثرا وبالرغم من اعاقتة  فهو يجيد العزف على ثلاثة  إيقاعات موسيقية مختلفة ، أجادها بدقة متناهية لفتت اليه الأنظار بجانب صوته العذب والطروب ، و بالرغم من كل المعاناة إصر ان يحقق حلمه بان يكون رقما في خارطة الغناء السودانية فحباه الله  بذلك الصوت الطروب و مهارة فائقة في العزف تفوق أقارنه بين جيله واكبر سند له هو محبة  أسرته وأصدقائه التي ظهرت كطاقة ايجابية دفعته  في مسيرته الفنية و محب لعمل الخير صحيفة فجاج جلست مع المبدع الذي لم تقعدة اعاقته فكونوا معنا في مضابط الحوار

 

عرفنا بك؟

عبد الفتاح بدوي  حامد الحاج  اسكن الثورة الحارة 24

المراحل التعليمي التي مررت بها ؟

درست الابتدائي ثم الثانوي وتوقفت فقط ولم أكمل  الجامعة

طيب كنت حابي تقرا أي تخصص ؟

والله انا كنت حابي اقرا صيدلة  او مختبرات طبية

كيف كانت طفولتك ؟

نشئت في بيت فني ومنذ طفولتي بدات علاقتي بالفن والموسيقىواخي معتز  كان عازف اورقن وكان زمن (الشرائط وزمن المسجل) كان بجيب الأغاني في المسجل وبعزف وانا كنت يستمع اليه  وانظر لما يقوم به من عمل وكانت عندي رغبة اني أتعلم الحاجة دي

ابوي لمن شافني متعلق بالموسيقي قام جابي لي بيانو هدية (حق لأطفال داك)  قال اتسلى بيهو  وكنت سعيد بيهو شديد كنت  بسمع اللحن وبقوم بجربوا في البيانوا حقي .

علاقتك كيف مع إخوانك في البيت ؟.

علاقة طيبة جدا وهم السبب الأساسي في الأنا وصلت ليهو دا لانو هم بشجعوني وناس بيتنا كلهم أصواتهم  جميلة يعني ( الماشي بغني والجاي بغني ) وكانوا ما بحسسوني اني معاق او اي  حاجة بل هم السبب في  انهم يخلوني اتعامل مع اعاقتي  عادي والحمد لله اني ربنا حباني باسرة مرحة وجميلة ومتفهمة حالتي

متين بديت تغني وتعرف انو صوتك جميل ؟

الكلام دا بدا من زمان وانا في سادس اساس كان عندي صاحبي اسمو وليد عبد الرحمن ففي فسحت الفطور كان بسمعني اغاني الفنان زيدان ابراهيم وكان في المدرسة عندنا مناشط ثقافية فاول اغنية سمعني ليها كانت( داوي ناري ) لزيدان ابراهيم فقنيتها ليهو فقام  فقال لي الا نمشي النشاط مشى كلم لي الاستاذ وقال له : يااستاذ اسمع الزول دا بغني كيف فالاستاذ قال غني فغنيت  ( غربة وشجن ) ( ولية كل العذاب )ما حافظ لغير زيدان لاني كنت بحبو شديد للان انا بغنو ليهوا في حفالاتي لازم لانو فنان محبوب واغنياتو جميلة

فغنيت وصوتي عجبو شديد فاشاركنا في الدورة المدرسة عام 2008 واخدنا الكاس الاول في الغناء  الحديث ومن هنا بديت اغني وتم تكريمي من نادي جامسكا وتاني حبه حبه بقيت اغني في الحلة والامور ظبطت

بتسمع لمنو من الفنانين ؟

والله من الجيل السابق  بسمع للفنان الكبير وردي والفنان  زيدان إبراهيم والفنان ابو عركي البخيت و من الفنانين الشباب بحب طه سليمان واحمد الصادق

منوا الدعمك في مسيرتك الغنائية ؟

أولا الدعم بدا من الأسرة أمي وإخواني ربنا يديهم العافية

واخوي معتز بدوي كان عازف اورقن كان بوجهني كنت بغني الأغنية وهو كان بشوف السلم المناسب مع صوتي يعني لقيت منو دعم كبير جدا وله الفضل الكبير .

وايضا من خالي الأستاذ محمد صالح محمد خير فتح لي المجال لانو كان شغال في قصر الشباب والاطفال ومن هنا انضممت لدراسة الموسيقي وهنا تعرفت علي الكثير من العازفين والموسيقيين منهم الأستاذ/ صديق إبراهيم موسيقي بقصر الشباب والأطفال والأستاذ/ بجامعة السودان قسم الموسيقي والدراما ولا انسي الأستاذ قدير ميرغني الذي اكن له كل الحب والتقدير

علاقتك  مع جيرانك وناس الحي  ؟

علاقة طيبة جدا و اكن لهم كل الاحترام والتقدير ومشارك في كل فعاليات الحي ومناسباتهم

ألان انت بتغني وعندك جمهورك  ،مع ارتفاع الأسعار هل رفعت عدداك ؟

انا ما بتوفق في الأسعار ومجامل  بقدر الإمكان ، الجيران والأهل ما بتوقف معاهم في سعر

والله انا البجيني والماعندو بشتغل ليهو وما بنعصر علي الناس عارفين الظروف  ما عندي اي مشكلة المهم الناس تفرح

هل شاركت في مهرجات من قبل ؟

نعم شاركت في مهرجان إبداع الشباب للعام 2016 ، و  الحمد الله  شلتة الكاس وكانت مشاركة جميلة جدا

والتقيت بفرقة دعاش  التي شاركت في المسرح وبعد ذلك انضممت لفرقة دعاش وشكلنا كورال شاركنا به باسم محلية كرري وانا شاركت بأغاني وطنية .

طيب يا عبد الفتاح بتعزف كم اله ؟

بعزف طبلة  وايقاع واروقن وبحاول اتعلم الجيتار

طيب في اله لاقيت فيها صعوبة ؟

نعم الجيتار لانهو اكتر الة بحبها  بتحتاج مجهود ومسكة معينة  بس  مصر انو ح أتعلموا انشاء الله

هل لديك اعمال خاصة بك ؟

نعم كثيرة منها ( احلي من الناس ) ( احلي منك)  ( يامهجة ) بعضها  كلمات اخوي الشاعر مرتضي بدوي من الحان شخصي الضعيف

ما هو عملك ألان  ؟

ألان بعمل في المجال الفني ( بغني )

ومدرب للفرق الشعبية ( اختيار الأصوات )

ما هو طموحك في هذه الحياة ؟

إن أكون عندي اسم في المجال الغنائي زى الأجيال السابقة وإنشاء الله أبدع فيهو و أقدم حاجات تليق باذن المستمع السوداني

وأيضا نشر الثقافة السودانية بالأخص الغناء الشعبي والحديث بمختلف الإيقاعات السودانية لكل العالم

أين عبد الفتاح من عمل الخير ؟

عندي فكرة  انا ومجموعة من الشباب في ذات المجال انو نساعد  المواهب الما قادرة تطلع ونتبناها بالرعاية  ونقدم ليها المساندة  لانو في شباب أصواتهم جميلة بس محتاجين رعاية واهتمام عشان  يطوروا من نفسهم

وأيضا  فكرنا في خدمة الأسر المتعففة والشرائح البسيطة بتوفير بعض متطلبات الحياة

مواقف طريفة  في حياتك ؟

كثيرة جدا جدا منها مؤلم ومنها مضحك فمثلا بكون شغال حفلة والفرقة بتبدا تعزف وانا بجي طالع علي المسرح الناس بتعاين لي  الناس بتقول دا ماشي  وين ( دا ما بخرب الحفلة سااي ) ( ودا شنو الجايبنوا دا ) يعني بعاني لقايت ما افهموا اني انا الفنان ما بصدقوا لكن أول ما اغني أي زول بسكت

في بعض الناس بفتكرنوا شحاد وفي بعض الناس بتقول لي ( حادث يا زول ولا خلقت الله ) وهكذا المواقف كتيرة

طيب هل آنت راضي عن نفسك الان؟

نعم الحمد لله راضي كل الرضى حققت حلمي باني اكون فنان ودي حاجة بحبها

اما عن الاعاقة فهذا  قضاء الله وقدرة وانا بشوف ربنا اكرمني بحاجات كتيرة اولا حب الناس ودي نعمة كبيرة وحققت حلمي وعمر الاعاقة ما حرمتني من تحقيق حلمي  وانا راضي تمام الرضي عما كتبه الله لي .

في الختام الكلمة لك .؟

الشكر لكل الذين وقفوا معي وساندوني بدون أي تكبر او شفقة واشكر كل من يحب عبد الفتاح الشاب البسيط واتمني ان اقدم الاجمل دائما وانا سعيد بهذه الاطلالة عبر صحيفتكم ولكم مني كل الاحترام والتقدير .

اترك رد

لن يتم نشر عنوان بريدك الإلكتروني.

bengali girl xxx video Porn Videos Xxx Hd Porn Hd Xxx Indian Porn Xxx Porn